Əhli-Beyt (ə) arşivleri - İntizar Kitab

İmam Əlinin (ə) Fəzilətləri

İntizar Kitab — Tue, 04 Aug 2026 13:45:24 +0000

Elm xadimləri üçün məlum olduğu kimi, Əmirəl-möminin Əli (ə)-ın fəzilətlərini heç bir bəyanla açıqlamaq mümkün deyil və o Həzrətin fəzilətləri heç bir kitaba sığmaz. Hətta səmavi mələklər Əli (ə)-ın mənəvi məqamlarını dərk edə bilməzlər. Həqiqətən, Əli (ə) fəzilətlərini saymaq dənizin suyunu ovucla ölçməyə bənzəyir. Hədislərdə Əhli-beytin (ə) dilindən yazılıbdır: «Biz, Allahın kəlmələriyik, bizim fəzilətlərimizi sayıb qurtarmaq olmaz». Yəni sənin (Əli (ə)-ın) fəzilətləri haqqındakı kitabı barmağı yaş edib səhifələmək üçün dərya suyu kifayət deyil. Elə buna görə də qələm ələ götürülüb bu haqda qısa bir kitab yazmağa cürət etmirdim. Lakin ümid-varam ki, Əmirəl- möminin (ə) kəramət mədəni və alicənab bir şəxs olduğu üçün məni bağışlayar, bu kiçik bir xidməti məndən qəbul edər.

İmam Əlinin (ə) Fəzilətləri yazısı ilk önce İntizar Kitab üzerinde ortaya çıktı.

Fatimə Fatimədir

İntizar Kitab — Tue, 04 Aug 2026 12:02:42 +0000

“Fatimə – böyük Xədicənin qızıdır” demək istədim. Gördüm ki, bu, Fatimə deyil.
“Fatimə – həzrət Məhəmmədin qızıdır” demək istədim. Gördüm ki, bu da Fatimə deyil.
“Fatimə – Əlinin həyat yoldaşıdır” demək istədim. Gördüm ki, bu da Fatimə deyil.
“Fatimə – Həsən və Hüseynin anasıdır” demək istədim. Gördüm ki, bu da Fatimə deyil.
“Fatimə – Zeynəbin anasıdır” demək istədim. Gördüm ki, bu da Fatimə deyil.
Bəli, bunların hamısı doğrudur, amma bütün bunlar həm də Fatimə deyil.
Fatimə – Fatimədir.

Fatimə Fatimədir yazısı ilk önce İntizar Kitab üzerinde ortaya çıktı.

250 Yaşlı İnsan

İntizar Kitab — Tue, 28 Jul 2026 10:42:32 +0000

Biz imamların həyatını dərs və örnək kimi öyrənməliyik, yalnız əziz və dəyərli xatirələr kimi yox. Bu isə onların siyasi həyatına diqqət yetirmədən mümkün deyil. Məndə imamların həyatının bu cəhətinə maraq ilk dəfə 1971-ci ildə ağır və məşəqqətli bir imtahan zamanı yarandı. Ondan öncə tövhid sözünün ucalması və ilahi hökumətin bərqərar edilməsi naminə fədakarlıq göstərən böyük mübarizlər olan imamların həyatını araşdırsam da, o zaman gözlənilmədən mənim üçün bir məsələ aydın oldu. O məsələ bu idi ki, məsum rəhbərlərin həyatında bəzən ziddiyyət kimi başa düşülən zahiri fərqlər olsa da, onların həyatı ümumilikdə bir-birinə bağlı olan vahid hərəkəti təşkil edir. Bu hərəkət hicrətin 10-11-ci ilindən kiçik qeyb dövrünün başlandığı 260-cı ilə qədər sürüb 250 illik bir dövrü əhatə edir. Bu insanlar əslində bir şəxs kimidirlər, onların məqsəd və istiqamətlərinin bir olduğuna şübhə yoxdur. Odur ki, biz İmam Həsən Müctəbanın (ə), İmam Hüseynin (ə) və İmam Səccadın (ə) həyatlarını bir-birindən ayrı şəkildə təhlil edib bəzi zahiri fərqlərə görə bu üç imamın həyat tərzlərinin bir-birinə zidd olduğuna dair kobud səhvə yol vermək əvəzinə, onların hamısını hicrətin 11-ci ilində bir yola qədəm qoyub 260-cı ildə onun sonuna çatmış və 250 il ömür sürmüş bir insan kimi fərz etməliyik.

250 Yaşlı İnsan yazısı ilk önce İntizar Kitab üzerinde ortaya çıktı.

Böyük Rəhbər Ayətullah Xamenei Nəhcül-Bəlağə Haqqında

İntizar Kitab — Mon, 27 Jul 2026 12:20:43 +0000

Ali dini rəhbər həzrət Ayətullah Xameneinin "Nəhc əl- bəlağə"yə diqqəti onun bu dəyərli kitabla dərin tanışlığını göstərir. Qarşınızdakı kitabda onun çıxışlarından, bəyanatlarından, moizə və tövsiyələrindən götürülmüş fikirləri dərin tədqiqatından xəbər verir. Kitab tədqiqatçıların, tələbələrin və digər bu kitabla maraqlananların yolunu işıqlandıra bilər. “Nəhc əl-bəlağə” ilə tanışlıq, “Nəhc əl-bəlağə”nin tarixçəsi, “Nəhc əl-bəlağə”nin İslam cəmiyyətində rolu, İslam dünyası və “Nəhc əl-bəlağə”, Təhsil Nazirliyinin “Nəhc əl-bəlağə”nin tanıtdırılmasında rolu və s. bu topluda sizə təqdim olunan mövzulardır.

Böyük Rəhbər Ayətullah Xamenei Nəhcül-Bəlağə Haqqında yazısı ilk önce İntizar Kitab üzerinde ortaya çıktı.

İmam Əli (ə): İnsanlıq Məktəbinin Ustadı

İntizar Kitab — Sat, 25 Jul 2026 11:36:21 +0000

İmam Əli (ə), haqqında “Onu çox qüvvətli olan öyrətdi” (“ən-Nəcm”, 5) ayəsi nazil olan İslam Peyğəmbəri Həzrət Muhəmməd (s) kimi kamil bir us- tadın hüzurunda və o Həzrətin (s) birbaşa təsiri ilə əvəzolunmaz bir şəxsiyyət kimi tərbiyə almış, böyümüşdür. İmam Əli (ə) Peyğəmbərin (s) mübarək əxlaqı ilə cilvələnmiş, Rəsu- lullaha (s) dərin bağlarla bağlanmış və bu bağlar əbədiyyətə qədər qırılma- yacaqdır. İmam Əli (ə) Peyğəmbəri (s) anbaan izləmiş, o Həzrətin (s) əqidə və adətlərinin ardınca getmiş, davamçısı olmuş, qısa bir müddətdə Rəsulullahın (s) bütün davranış və hərəkətlərini, əxlaq və ədəbini əxz etmişdir. Bütün bu deyilənləri nəzərə alaraq bildirmək istəyirəm ki, İmam Əlinin (ə) mübarək həyatını, İslam tarixindəki misilsiz fəaliyyətini öyrənmək və İslamdakı layiqli yerini müəyyən etmək müasir Azərbaycan ilahiyyatşünaslığının qarşısında duran ən mühüm, ən vacib məsələlərdən biri dir. Çünki, İmam Əlinin (ə) elmi-dini şəxsiyyətini öyrənmək, elə İslamı öyrənmək deməkdir. Bu baxımdan Hacı Fuad Nurullahın qələmə aldığı “İmam Əli (ə): İnsanlıq məktəbinın ustadı” adlı kitab diqqətəlayiq bir əsərdir, eyni zamanda müasir cəmiyyətimizin elmi və dini təbəqəsi üçün son dərəcə aktualdır.

Buna görə də kitabın mühüm elmi əhəmiyyət daşıdığını və xalqımız üçün faydalı olacağını düşünürəm. Əsrlərdən bəri İmam Əli (ə) aşiqləri kimi tanınan xalqımız bu kitabda indiyə kimi İmam (ə) haqqında qaranlıq qalan bəzi məsələlərlə yaxından tanış olacaq və Əmirəl-mömininin (ə) Allah yanındakı üstünlüklərini başa düşəcəklər. Bu səbəbdən də belə bir kitabın nəşr olunmasını məqsədəuyğun hesab edirik.

İmam Əli (ə): İnsanlıq Məktəbinin Ustadı yazısı ilk önce İntizar Kitab üzerinde ortaya çıktı.

Nəhcül-Bəlağə

İntizar Kitab — Thu, 23 Jul 2026 12:55:48 +0000

Nəhcül-Bəlağə (ərəb. نهج البلاغة‎) — On iki imam şiələrinin ən məşhur kitablarından biri. Kitab Əli ibn Əbu Talibin əmr, xütbə, məktub, vəsiyyət və kəlamlarından ibarətdir.

Nəhcül-Bəlağə yazısı ilk önce İntizar Kitab üzerinde ortaya çıktı.