Bu kitabın əsas məqsədi ayə və rəvayətlərdən istifadə etməklə İmam Mehdinin (ə) əsr və zamanının, o həzrətin müqəddəs qiyamının külli şəkildə bəyan edilməsidir.
Mən o rəvayətlərə və mənbələrə müraciət etməkdə çox ciddi-cəhd göstərdim. Təsadüfən Livanda çap olunub yayılan bir kitabla rastlaşdım ki, rəvayətlərinin çoxluğuna görə camaat arasında məşhur idi. Müəllifin vərəqaltı haşiyələrdə qeyd etdiyi onlarla mənbəyə müraciət etdikdə isə çox təəccübləndim, gördüm ki, onun qeyd etdiyi rəvayətlərlə mənbələr arasında, ümumiyyətlə, heç bir uyğunluq yoxdur. Üstəlik, müəllif rəvayətləri hissələrə bölmüş, bəzilərinin bir hissəsini digərinin axırına əlavə etmiş və nəhayət, bəzi sözləri də dəyişdirmişdir.
Əlbəttə, mən bir, yaxud iki mənbəni zikr etməklə kifayətlənmişəm, çünki kitabın əsas məqsədi rəvayətlərin düzgünlüyünü yoxlamaq deyil, yalnız İmam Mehdinin (ə) zühurunun zamanı ilə əlaqədar olan ümumi bir təsəvvürü təqdim etmək olmuşdur.
Ümidvaram ki, bu kitabla (“Zühur əsri”) vədəsi verilən rəhbərlərini tanımaq arzusunda olan müsəlmanlara — Peyğəmbərin (s) buyurduğu kimi — xidmət etmiş olaq. Mütaal Allah da bu işimizi Öz vəlisinin və höccətinin (ruhumuz ona fəda olsun!) zühuruna müqəddimə yaratmaq üçün bir xidmət hesab etsin. İnşallah!
Əli Kurani
24 Şəvval, 1407-ci il (1987)
Qum şəhəri
Kitab Haqqında Rəylər
Hələ heç bir rəy yoxdur.